Monday, July 31, 2006

ഇനി ഞങ്ങളെപ്പറ്റി രണ്ടു വാക്ക്!

ഇനി ഞങ്ങളെപറ്റി രണ്ടു വാക്കു പറയാം.

ഞങ്ങള്‍ ആറുപേരുണ്ട്: അഞ്ജു(അഞ്ജലി), അനു(അനില), അച്ചു (അശ്വതി), കുട്ടന്‍ (അര്‍ജ്ജുന്‍), അശ്വിന്‍(ചെറൂട്ടന്‍), അപ്പു (അപര്‍ണ്ണ).

ഇതില്‍ അച്ചുവും ചെറൂട്ടനും കുറച്ചകലെയാണ് താമസിക്കുന്നത്. എങ്കിലും ഇടയ്ക്കൊക്കെ വരും.

എല്ലാവരും സ്കൂളില്‍ പഠിക്കുന്നു.

ഒരമ്മയുടെ മൂന്നു പെണ്മക്കളുടെ മക്കളാണു ഞങ്ങള്‍ എല്ലാവരും.
ഞങ്ങള്‍ക്ക് ഇന്റെര്‍നെറ്റ് അധികം ഒന്നും അറിയില്ല. ഒക്കെ പഠിച്ചു വരുന്നേയുള്ളൂ...
സ്കൂളില്‍ കുറെ പഠിക്കാനുണ്ട്. വീട്ടിലും കുറച്ചൊക്കെ സഹായിക്കണം. അതൊക്കെ കഴിഞ്ഞാലും ‍ കറന്റും ഫോണുമൊക്കെ ഉണ്ടെങ്കില്‍ മാത്രമേ ഞങ്ങളെ ഇന്റെര്‍നെറ്റില്‍ ഇരിക്കാന്‍ വീട്ടിലെ വലിയവര്‍ സമ്മതിക്കൂ....!

അപര്‍ണ്ണയാണു ഞങ്ങളുടെ വീട്ടിലെ മുത്ത്. ആണ്‍ തരികളില്‍ തിടമ്പു വെച്ചത് കുട്ടന്‍...

ഇവിടെ ഞങ്ങള്‍ ഓരോരുത്തരും വരച്ചതും കുറിച്ചതും എഴുതിവെക്കാനാണു വിചാരിക്കുന്നത്.

കുറേ തെറ്റുകളുണ്ടാവും. ഒക്കെ പറഞ്ഞുതരണം. തിരുത്തിയില്ലെങ്കില്‍ പ്രശ്നമാണ്.
(ഞങ്ങളുടെ ഒരു അമ്മാവന്‍ ഉണ്ട്. മുരടനാണ്. പക്ഷേ ഇവിടെ എപ്പോഴും ഉണ്ടാവില്ല. നാടോടിയാണ്. വല്ലപ്പോഴുമേ വരൂ. അഥവാ അമ്മാവന്‍ ഇതൊക്കെ കണ്ടാല്‍ ഞങ്ങളുടെ ചെവിക്കു പിടിച്ചു തൃശ്ശൂര്‍ പൂരം കാണിക്കും.....)

ഹമ്മേ....

Sunday, July 30, 2006

മുഖവുര